GJUANNI LU MAFFIOSU

 (parodia di "Il re del Portogallo")

Gjuanni lu maffiosu

vo fa l'elegantoni

e pa fa bedda impressioni

a la moda vo vistì.

Calzoni a tre qualti

e camisgia di fora

ti pari e pocu ancora

iscendi da piscà.

E li cumpagni e l'amiconi

illu 'idellu no sani che fa:

ridì, attruccià, a isse gjà!

Gjuanni lu maffiosu

camina dilicatu

e sta tuttu intilatu

proppiu come un gagà.

Occjali pa lu soli

e Grand Hotel in manu

illi pili l'ociulmanu

pa falli luccicà!

 Marcuccio Achenza

.